Deklaratsııany der ýaqytynda tapsyrmaǵandar aıyppuldan qutylýy múmkin

ASTANA. KAZINFORM – El turǵyndary deklaratsııany belgilengen merzimde tapsyrmasa, onda ol nól kórsetkishpen usynyldy dep sanalmaq. Mundaı ózgeris jańa Salyq kodeksinde kózdelgen.

Búgin Senatta ótken salyq saıasatynyń jáne salyqtyq ákimshilendirýdi jetildirýdiń ózekti máselelerine arnalǵan dóńgelek ústel otyrysynda Memlekettik kirister komıteti tóraǵasynyń orynbasary Jánibek Nurjanov jańa Salyq kodeksine engizilip jatqan jańashyldyqtyń biri – salyq eseptiligin usynbaǵany úshin aıyppul salýdan bas tartý ekendigin aıtady.

- Eger salyq tóleýshi deklaratsııa usynbasa, onda ol nól kórsetkishpen tapsyryldy dep sanalady. Salyq tóleýshide salyq eseptiliginiń qosymsha nysanyn usyný quqyǵy qalady. Soǵan oraı eseptilikti der ýaqytynda usynbaǵany úshin ákimshilik jaýapkershilik joıylady. ıAǵnı bıznes úshin jazalaý sharasy qysqartylady, - dedi komıtet tóraǵasynyń orybasary.

Sonymen qatar onyń atap ótýinshe, bul memlekettik kirister organy qyzmetkerlerin deklaratsııa usynbaǵan azamattar tizimin túzý, olarǵa habarlama jiberý jáne ákimshilik hattama toltyrý syndy artyq jumystan bosatady.

Buǵan deıin birneshe páteri bar adamǵa múlik salyǵy qalaı salynýy múmkin ekendigin jazǵan edik.