Deklaratsııany durys toltyrmaǵan Grýzııa sheneýnikteri jaýapqa tartylyp jatyr

TBILISI. QazAqparat - Grýzııada 2018 jylǵa múliktik deklaratsııalardyń durys toltyrylýyna tekseris júrgizilip, birqatar sheneýniktiń zań buzýshylyqtarǵa jol bergeni anyqtaldy. Olardyń arasynda qalalar men aýdandardyń merleri, parlament músheleri, tipti sýdıalar da bar. Bul týraly «Grýzııa jańalyqtary» aqparat agenttigi habarlady.

Deklaratsııany burys toltyrǵan sheneýnikterge, atap aıtqanda, Kýtaısı qalasynyń, Samtredııa, Bagdadı, Zestafonı, Tkıbýlı, Honı, Aspındza Ozýrgetı aýdandarynyń merlerine, sondaı-aq Chıatýr, Lanchhýt, Hon aýdandary ákimshileriniń tóraǵalaryna, Tsalendjıh jáne Senaka qalalyq keńesteriniń tóraǵalaryna aıyppul salyndy.

Endi aıypty sheneýnikter jalaqylarynyń 20% qazynaǵa quıady.

Sonymen qatar, Grýzııa Jarııa etý qyzmetiniń bıýrosy Tbılısı sakrebýlo (qalalyq keńes) tóraǵasynyń orynbasarlary Marıka Darchıı men Georgıı Ahvledıanıdiń, «Grýzın armany» fraktsııasynyń tóraǵasy Vahtang Shakarashvılıdiń deklaratsııalarynan da kemshilikter tapqan.

Mekeme, sondaı-aq Grýzııa qorshaǵan ortany qorǵaý jáne aýyl sharýashylyǵy mınıstriniń orynbasary ıÝrıı Nozadzege, Ulttyq bank keńesiniń múshesi Vaja Djankarashvılıge de aıyppul saldy.

Budan tys, aıyppul salynǵan memlekettik qaıratkerlerdiń arasynda parlamenttiń 59 múshesi, birneshe sýdıa bar.

Jalpy, Bıýro 448 deklaratsııany tekserip, sonyń 379-y talapqa saı emes ekendigin anyqtady. Al bir qujat quqyqqorǵaý organdaryna jiberilgen.