Deklaratsııa tapsyrǵan kásiporyndar 3-5 jylǵa deıin tekseristen bosatylýy múmkin
ASTANA. 6 qyrkúıek. QazAqparat - Qazirgi kezde biz eńbek qaýipsizdigi salasyndaǵy arnaıy deklaratsııany toltyrý máselesin qarastyryp jatyrmyz.
Búgin QR Eńbek jáne halyqty áleýmettik qorǵaý mınıstrliginde ótip jatqan «Strategııalyq josparlaýdyń negizderi jáne eńbek qaýipsizdigin basqarý júıesin jetildirý joldary» taqyrybyndaǵy semınar aıasynda jýrnalısterge suhbat bergen mınıstrliktiń Baqylaý jáne áleýmettik qorǵaý komıtetiniń tóraǵasy Serikqalı Bısaqaev osylaı aıtty.
Onyń habarlaýynsha, qazirgi kezde mınıstrlik óndiris oshaqtarynyń eńbek qaýipsizdigin kúsheıtý maqsatynda «deklaratsııa rásimdeý» máselesin boıynsha jumys istep jatyr. «Ol qujatty jumys berýshilerdiń ózderi usynýy tıis. Onda eńbek qaýipsizdigi boıynsha atqarylǵan naqty jumys pen memlekettik talaptardy oryndaý esebi kórinis tabýy shart. Minekı, osyndaı deklaratsııany olar bizge tapsyrady. Biz bolsaq, ondaı kásiporyndarǵa arnaıy kýálik beremiz. Memlekettik ınspektsııa ony 3 jyl nemese 5 jyl teksermeýi múmkin. Degenmen, bizge jumysshylardyń tarapynan bir aryz-shaǵym túsetin bolsa, biz káýlikti qaıtaryp alamyz. Al ol kásiporyndy quqyq buzýshy kompanııalardyń tizimine jazyp qoıamyz», - deıdi S.Bısaqaev.
