Deklaratsııa: Qazaqstandyqtar 2022 jyldan bastap sheteldegi shoty týraly málimet berýi tıis
Aktıvter men mindettemeler týraly deklaratsııany tapsyrý merzimi (250.00 nysan), ıaǵnı jalpyǵa birdeı deklaratsııalaýdyń birinshi kezeńi 2021 jyldyń 15 qyrkúıeginde aıaqtaldy.
Aıta ketsek, birinshi kezeńde, 2021 jyldyń 1 qańtarynan bastap, aktıvteri men mindettemeleri týraly deklaratsııany memlekettik qyzmetshiler men olarǵa teńestirilgen tulǵalar ( kvazımemlekettik kompanııalardyń basshylary, memlekettik mekemelerdiń basshylary, Parlament jáne máslıhat depýtattary, barlyq deńgeıdegi ákimder jáne t.b. ), baǵaly qaǵazdardyń iri ıegerleri, bankterdiń iri qatysýshylary, saqtandyrý uıymdarynyń iri qatysýshylary, sondaı-aq osy atalǵandardyń jubaılary (zaıyptary) usynǵan bolatyn.
«2021 jyly aktıvteri men mindettemeleri týraly deklaratsııa (250.00 nysan) tapsyrǵan jeke tulǵalar keıinnen 2022 jyldan bastap, jyl saıyn kirister men múlik týraly deklaratsııany (270.00 nysan) tapsyrýy tıis, onda jeke tulǵalar kúntizbelik jyl ishinde, onyń ishinde Qazaqstan Respýblıkasynan tys jerlerde salyq shegerimderi boıynsha alynǵan kirister týraly neǵurlym tolyq aqparatty, satyp alý jáne (nemese) ıelikten shyǵarý jáne (nemese) múlikti tegin alý týraly, Qazaqstan Respýblıkasynyń sheginen tys ornalasqan sheteldik bankterdegi bank shottaryndaǵy aqsha týraly jáne basqa da málimetterdi kórsetedi», - dep habarlady MKK-de.
Salyq zańnamasyna sáıkes kirister men múlik týraly deklaratsııany birinshi kezeńde tabys etetin jeke tulǵalar úshin qaǵaz jetkizgishte deklaratsııany tabys etý merzimi tabys etý jónindegi mindetteme týyndaǵan jyldyń 15 shildesinen keshiktirmeı, al elektrondy túrde deklaratsııany tabys etý jónindegi mindetteme týyndaǵan jyldyń 15 qyrkúıeginen keshiktirilmeıtin merzimdi quraıdy.
Buıryq 2022 jyldyń 1 qańtarynan bastap kúshine enedi.
