Defolt bola ma – Nurlan Baıbazarov jaýap berdi

ASTANA. KAZINFORM – Valıýta naryǵyndaǵy qubylmalyq barlyq ýaqytta boldy jáne bola da beredi. Bul týraly Úkimette ótip jatqan brıfıngte Premer-Mınıstrdiń orynbasary – Ulttyq ekonomıka mınıstri Nurlan Baıbazarov aıtty.

— Eń aldymen, eshqandaı defolt kútilmeıdi. Jalpy, qarjylyq jaı-kúı turaqty, memlekettiń qory bar. Sonyqtan bul oraıda defolt jaıly aıtýdyń jóni joq, — dedi Nurlan Baıbazarov BAQ ókilderiniń saýalyna oraı.

Onyń atap ótýinshe, elimizdiń qurylys materıaldary men qural-jabdyqtarǵa táýeldiligi bar. Degenmen, Úkimet negizgi taýarlar ımportyna táýeldilikti tómendetýge baǵyttalǵan jobalardy júzege asyrý baǵytynda belsendi jumys istep jatyr.

Sonymen qatar vıtse-premer valıýta naryǵyndaǵy qubylmalyq barlyq ýaqytta bolǵan jáne bola da beretindigin basa aıtty.

—Mundaı qubylmalyq barlyq ýaqytta boldy jáne valıýtalyq qubylmalyq bola da beredi. Másele, valıýtalyq baǵamnyń mundaı qubylmalyǵynyń teris yqpalyn tómendetý úshin oǵan qalaı áreket etýde, qandaı aldyn alý sharalaryn qabyldaýda. Júzege asyrylyp jatqan ınvestıtsııalyq jobalardyń arqasynda mundaı táýekelderdiń is júzinde joq ekendigin aıta alamyn. Óıtkeni, mundaı táýekel túrlerine belgili bir quraldar bar jáne olar jumys istep tur. ıAǵnı, kompanııalar bankter jobalar júzege asyrylyp jatqan kezde ózderin qalaı saqtandyrý kerektigin biledi, — dedi ol.

Eske salsaq, buǵan deıin Ulttyq ekonomıka mınıstri Nurlan Baıbazarov teńgeniń álsireýiniń 3 faktoryn atady.

Sonymen qatar aldaǵy aqpanda turaqtandyrý qorlarynan kókónister naryqqa shyǵaryla bastaıtynyn jetkizdi.