DEF: Jahandyq básekege qabilettilik ındeksinde Qazaqstan 50 orynǵa turaqtady

Bul týraly QR Ulttyq ekonomıka mınıstrliginiń baspasóz qyzmetinen habarlady.

Vedomstvonyń atap ótýinshe, Jahandyq básekege qabilettilik ındeksi 114 kórsetkish arqyly túziledi. Onyń 34-i statıstıkalyq málimetter, al qalǵandary orta jáne iri kásiporyndar basshylarynyń baǵalaýlary negizinde esepteledi. 144 kórsetkishten ekonomıkalyq damýdyń túrli deńgeılerinde ornalasatyn álem elderiniń básekege qabilettiligin sıpattaıtyn 12 básekege qabilettilik faktoryn shyǵarylady. Sonymen reıtıng nátıjeleri boıynsha Qazaqstan ótken jylǵy 4,4 ortasha balymen qaıtadan 50-shi orynǵa ıe boldy . Osylaısha, Qazaqstan damý deńgeıi áldeqaıda joǵary elder tobynda ornalasty. DEF sarapshylarynyń baǵalaýynsha, Qazaqstannyń básekelestiktegi artyqshylyqtary eńbek naryǵynyń tıimdiligi ( 15-shi oryn, 2013 - 15) jáne makroekonomıkalyq orta ( 27-shi oryn, 2013 - 23) bolyp tabylady. Qazaqstannyń eń álsiz tusy densaýlyq saqtaý jáne bastaýysh bilim berý ( 96, 2013 - 97), qarjy naryǵyn damytý ( 98, 2013 - 103), kompanııalardyń básekege qabilettiligi ( 91, 2013 - 94) jáne ınnovatsııalar ( 85, 2013 - 84) sııaqty faktorlar boıynsha baıqalady. Degenmen bul reıtıngterde de elimizdiń 2-3 saty alǵa órleýi bilinedi. Qalǵan alty faktor boıynsha, DEF baǵalaýyna sáıkes, Qazaqstannyń básekege qabilettiligi ortasha deńgeıde: ınstıtýttar 57 (2013 - 55), ınfraqurylym - 62 (2013 - 62), joǵary bilim jáne kásibı daıarlyq - 62 (2013 - 54), taýarlar naryǵynyń tıimdiligi - 54 (2013 - 56), tehnologııalyq daıarlyq- 61 (2013 - 57) jáne naryq mólsheri - 52 orynda (2013 - 54).

Aıta keterligi, aǵymdaǵy jyly reıtıngti Shveıtsarııa bastap otyr. Odan keıin Sıngapýr, AQSh, Fınlıandııa jáne Germanııa elderi ornalasqan. Dúnıejúzilik ekonomıkalyq forýmnyń 2014-2015 jyldarǵa arnalǵan Jahandyq básekege qabilettilik ındeksinde (JBI) baǵalanatyn elder sany - 144. Osy jyly reıtıngke qaıtadan Tájikstan oraldy jáne Benın, Bosnııa jáne Gertsegovına, Brýneı, Ekvador, Lıberııa sııaqty elder kirmeı qaldy.