DeepSeek JI-diń jańa tájirıbelik úlgisin tanystyrdy

ASTANA.KAZINFORM - Qytaılyq JI ázirleýshi DeepSeek oqytýdyń tıimdiligi men uzaq mátindi óńdeýdi jaqsartatyn sońǵy eksperımenttik modelin iske qosqanyn habarlady, dep habarlaıdy Reuters.

Hanchjoýdaǵy kompanııa Hugging Face ázirleýshiler forýmyndaǵy jazbasynda DeepSeek-V3.2-Exp modelin «kelesi urpaq arhıtektýrasyna qadam» dep sıpattady.

Negizgi jańalyqtardyń biri - DeepSeek kompanııasynyń Sparse Attention tehnologııasy, ol esepteý shyǵyndaryn azaıtady jáne birqatar tapsyrmanyń tıimdiligin arttyrady. Sonymen qatar, áleýmettik jelilerdegi málimdemesinde DeepSeek syrtqy qyzmetterge qosylýǵa arnalǵan baǵdarlamalaý ınterfeısi API baǵasynyń 50% -dan astam tómendegenin jarııalady.

Bul jańa tehnologııalyq serpilis buryn Sılıkon alqabynyń jáne jahandyq ınvestorlardyń nazaryn aýdarǵan V3 jáne R1 úlgileri shyǵarylǵannan beri DeepSeek-tiń eń mańyzdy ónimi bolmaq.

Aıta keteıik, 2025 jyldyń qańtarynda DeepSeek-R1 úlgisi jetekshi tehnologııalyq kompanııalar aktsııalarynyń kúrt jáne qysqa merzimge qulaýyna jáne JI salasyna qarjy salý týraly pikirdiń asyra silteý ekeni týraly pikirtalastyń týyndaýyna túrtki boldy.

Buǵan deıin Qytaı mı neırondaryn ımıtatsııalaıtyn alǵashqy JI modelin tanystyrǵany týraly habarlaǵan edik.

Osyǵan deıin halyqaralyq kórmede jasandy ıntellektimen jabdyqtalǵan qazaqstandyq «aqyldy kaska» tanystyrylǵany týraly jazdyq.