De La Hoııa: «Kanelo» Golovkındi nokaýtqa túsiredi

ASTANA. QazAqparat - Meksıkalyq boksshy Saýl Alvarestiń promoýteri Oskar De la Hoııa qazaqstandyq Gennadıı Golovkınmen ótetin aldaǵy remachtqa qatysty pikir bildirdi, dep habarlaıdy Sports.kz.

««Kanelo» ony nokaýtqa túsirý úshin rıngke shyǵady. Ol GGG-di birden nokaýtqa jiberedi. Alǵashqy jekpe-jekten keıin Golovkınniń komandasy kóp nárse aıtqan edi... «Kanelo» maǵan Golovkındi qatty soqqyǵa jyǵyp, nokaýtqa túsirý úshin baryn salatynyn aıtty. Ol qarsylasyna qatysty mundaı sózderdi alǵash ret aıtyp otyr. Men nokaýttyń bolaryna senimdimin. Biz sheshimdi emes, nokaýtty tamashalaǵymyz keledi! «Kanelo» qarsylasyna bar kúshin kórsetip, qyspaqqa alady!», - dep ýáde berdi De La Hoııa.

«Kanelo»-GGG  qarymta kezdesýi 15 qyrkúıekte Las-Vegastegi «T-Mobile» arenasynda ótedi.