DDU: Iemende tyrysqaq aýrýy tarala bastady
ASTANA. QazAqparat - Iemen astanasy Sanada tyrysqaq aýrýymen naýqastanýdyń 11 jaǵdaıy tirkeldi, dep habarlady Dúnıejúzilik densaýlyq saqtaý uıymynyń (DDU) ókili Omar Saleh baspasóz máslıhatynda.
Ótken jumada ıÝNISEF uıymynyń ókilderi Sanadaǵy balalardyń tyrysqaq aýrýymen naýqastanǵandyǵyn habarlaǵan bolatyn.
«Bul naýqasty juqtyrdy degen 17 jaǵdaıdyń 11- rastaldy. Naýqasty juqtyrǵandardyń barlyǵy Sana qalasyndaǵy bir aýdannyń turǵyndary. Ázirge bul qaladan tys aımaqtarda tyrysqaq aýrýyna shaldyqqandar tirkelgen joq»,-dedi Saleh. Onyń sózin ıemendik buqaralyq aqparat quraldary taratty.
Ol sondaı-aq sózinde aýrýdyń áli keń taramaǵanyn, ıaǵnı epıdemııanyń ázirge joqtyǵyn jetkizdi. Bul rette DDU ókili aımaqta áskerı qaqtyǵystar jalǵasa beretin bolsa aýrýdyń taraı bastaýy múmkindigin aıtyp otyr. Óıtkeni, Iemendegi aýrýhanalar men medıtsınalyq ortalyqtardyń 55 paıyzy qarjylandyrý kózderiniń joqtyǵy men mamandardyń jetispeýshiligine baılanysty tolyqtaı nemese jartylaı jumys istemeı tur.
Sondaı-aq ol sózinde, eldiń ońtústik-batysyndaǵy Taız ben Hodeıda provıntsııalarynda 143 adamnan tyrysqaq aýrýynyń belgileri baıqalmaǵandyǵyn jetkizdi.
