DDU sarapshysy qaraǵandylyq dárigerlerge arnalǵan sheberlik sabaǵyn ótkizedi
QARAǴANDY. QazAqparat - Oblystyq perınataldyq ortalyqta «Akýsherlik jáne neonatologııadaǵy shuǵyl jaǵdaılar» atty halyqaralyq sheberlik sabaǵy ótip jatyr. Dáristerdi Kıshınev pen Almatynyń jetekshi mamandary oqıdy, dep habarlaıdy QazAqparat tilshisi.
Moldovadan kelgen Dúnıejúzilik densaýlyq saqtaý uıymynyń ulttyq sarapshysy, Kıshınev memlekettik medıtsına jáne farmatsııa ýnıversıtetiniń Akýsherlik jáne gınekologııa kafedrasynyń medıtsına ǵylymdarynyń doktory Ion Bologan jáne dáriger-neonatolog, PHD professor Qarlyǵash Jubanysheva qaraǵandylyq dárigerlerge biletinin úıretedi.
«Semınar ana men bala ólimin tómendetý, kórsetiletin medıtsınalyq kómektiń sapasyn, medıtsına qyzmetkerleriniń kásibı deńgeıin arttyrý maqsatynda uıymdastyryldy», - dedi Qaraǵandy oblysy Densaýlyq saqtaý basqarmasy basshysynyń orynbasary Gúlban Mamalınova.
Oblystyń barlyq aýdan jáne qalalarynan 25 akýsher men neonatolog oqytylady. Sheberlik sabaǵy bes kúnge sozylady. Kýrstyń negizgi taqyryby jańa týǵan náresteniń aýrýlary, júktilik kezinde patologııa men ınfektsııalar jáne bosanǵannan keıingi kezeńdegi syrqattar tóńireginde bolady.
Kýrs bitken soń tyńdaýshylarǵa sertıfıkat beriledi.
