DDU: Pandemııa álemdegi kedeılikti ýshyqtyra túsedi

NUR-SULTAN. QazAqparat – COVID-19 pandemııasy densaýlyq saqtaý qyzmetterimen qamtamasyz etý boıynsha jahandyq progrestiń eki onjyldyǵyn artqa tastap, álemdegi kedeılikti ýshyqtyra túsedi. Bul týraly Dúnıejúzilik densaýlyq saqtaý uıymy (DDU) men Dúnıejúzilik banktiń jańa esebinde jazylǵan, dep habarlaıdy QazAqparat BUU-nyń jańalyqtar saıtyna silteme jasap.

Ortaq zertteý Halyqaralyq densaýlyq saqtaý qyzmetterimen qamtý kúnine arnalǵan. Óziniń joldaýynda osy jaǵdaı boıynsha BUU-nyń Bas Hatshysy Antonıý Gýterrısh pendemııanyń úshinshi jyly jaqyndar aldynda halyqaralyq qoǵamdastyq tez arada ulttyq densaýlyq saqtaý júıelerin nyǵaıtý kerek ekenin málimdedi. Olar odan ári ádil, turaqty bolyp, halyqtyń barlyq bóligine qoljetimdi bolýy tıis.

BUU-nyń basshysy pandemııanyń, ásirese, barlyǵyna sapaly jáne qoljetimdi kómek kórstýge qabiletti densaýlyq saqtaý júıeleri joq elderge qatty áser etkenin atap ótti. Eger halyqaralyq qoǵamdastyq 2030 jylǵa deıin densaýlyq saqtaý salasy qyzmetterimen barlyǵyn qamtýdy kózdep otyrsa, Antonıý Gýtterıshtiń aıtýynsha, ulttyq úkimetter ortaq iske birge jumylýy kerek.
«Alǵashqy medıtsınalyq-sanıtarlyq kómek kórsetý, sonymen qatar margınaldanǵan halyq bóligin qoldaý úshin densaýlyq saqtaý júıelerine quıylatyn ınvestıtsııalar kólemin arttyrý kerek. Ulttyq ekonomıkanyń turaqtylyǵyn qamtamasyz etý úshin densaýlyq saqtaý júıelerin daǵdarysqa deıin nyǵaıtý qajet», - dedi BUU-nyń Bas hatshysy.
Antonıý Gýterrıshtiń aıtýynsha, ótken jyly COVID-19-ǵa qarsy vaktsınanyń túrli toptar arasynda teń bólinbeýi adamzattyń qaltaly bóliginiń egoızminiń kórinisi boldy. «Bizge bul qaıǵyly jaǵdaıdan sabaq alý kerek. Pandemııa barlyǵynda aıaqtalmaıynsha, eshkimge aıaqtalmaıdy» - dedi BUU Basshysy.
«2020 jyly pandemııa medıtsınalyq qyzmetterdiń jumysyn buzdy, saldarynan ulttyq densaýlyq saqtaý júıelerine salmaq tústi. Sońǵy on jylda birinshi ret halyqty ımmýndaý azaıyp, týberkýlez ben bezgekten bolǵan ólim sany artty», delingen atalǵan uıymdardyń baıandamasynda.
Pandemııa saldarynan 1930 jylǵy ekonomıkalyq daǵdarys qaıta bastaldy, adamdar eń qajetti medıtsınalyq kómekti tóleýge qınalyp otyr.
«Bizdiń artyq ýaqytymyz qalmady. El úkimetteri tez arada densaýlyq saqtaý qyzmetterin árbir adam alýy úshin jaǵdaı jasap, adam basyna shaqqandaǵy memlekettik qarjylandyrý kólemin arttyrý kerek» - dedi Tedros Gebreıesýs.