DDU-nyń saıtynda Qazaqstandaǵy sýıtsıd týraly aqparat ózgertildi

ASTANA. QazAqparat – Qazaqstanda Dúnıejúzilik densaýlyq saqtaý uıymynyń resmı saıty jumys istep tur, dep habarlaıdy QazAqparat Densaýlyq mınıstrligine silteme jasap.

Ótken jyly 14 qazanda Almaty oblysy Talǵar aýdandyq sotynyń sheshimimen Qazaqstan Respýblıkasynyń aýmaǵynda DDU resmı saıtyna (ww.who.int) bul resýrsta paıdalanýshylarǵa sýıtsıdtiń naqty ádisteri, tásilderi men usynymdary usynylatyndyǵyn dáleldeı otyryp qoljetimdilik shektelgen edi.

Qazaqstandyq taraptyń usynysy boıynsha DDU resmı veb-saıtynda (www.who.int) sýıtsıd týraly aqparattyq bıýlleten ózgertildi.

Qazirgi ýaqytta DDU-nyń resmı saıty shtattyq rejımde jumys isteıdi jáne jalpyǵa qol jetimdi.

Aıta ketsek, Dúnıejúzilik densaýlyq saqtaý uıymy álemniń 190-nan astam memleketi músheleri bolyp tabylatyn BUU júıesi sheńberinde densaýlyq saqtaý salasyndaǵy halyqaralyq jumysty baǵyttaýshy jáne úılestirýshi organ.