DDU MV Hondius laınerinen evakýatsııalanǵan jolaýshylarǵa 42 kúndik karantındi usyndy
ASTANA. KAZINFORM — MV Hondius krýızdik laınerinde hantavırýstyń órshýi tirkelgen soń, evakýatsııalanǵan jolaýshylarǵa 42 kún karantınde bolý usynyldy, dep habarlaıdy Report.
Bul usynysty Dúnıejúzilik densaýlyq saqtaý uıymynyń basshysy Tedros Adanom Gebreıesýs jasady.
— Bizdiń usynysymyz aıqyn: 10 mamyrdan bastap 42 kún belsendi baqylaý, 42 kún karantın. Karantındi arnaıy mekemede de, úıde de ótkizýge bolady, — dedi ol Kanar araldaryna jetken laıner jolaýshylaryn evakýatsııalaýdan keıingi brıfınginde.
DDU basshysy «uıym tek usynys beredi, biraq oǵan múshe memleketterdi mindettemeıdi» dep atap ótti.
Onyń sózinshe, ár el óziniń ulttyq hattamalary jáne táýekelderdi baǵalaý negizinde sheshim qabyldaıdy.
Aıta keteıik, uıym osyǵan deıin Hantavırýs birneshe elge taraǵanyn, alaıda jappaı dúrbeleńge negiz joq ekenin habarlaǵan bolatyn.
