DDU krýız kemesindegi hantavırýstyń adamǵa juǵatynyn joqqa shyǵarmady
ASTANA.KAZINFORM - Argentınadan Kabo-Verdege sapar shekken krýız kemesinde jeti hantavırýs ınfektsııasyn juqtyrý jaǵdaıy tirkeldi, onyń ishinde úsh adam qaıtys boldy.
- Keme 1 sáýirde júzýge shyqqannan beri 147 jolaýshy men ekıpajdyń jeti múshesi aýyryp qaldy, olardyń úsheýi qaıtys boldy. Bireýiniń jaǵdaıy aýyr, al úsheýiniń belgileri jeńil, - delingen Dúnıejúzilik densaýlyq saqtaý uıymy (DDU) málimdemesinde.
Qoljetimdi derekterge súıene otyryp, uıym vırýstyń álem halqyna taralý qaýpin tómen dep baǵalaıdy. Alaıda DDU Atlant muhıtyndaǵy krýız kemesinde vırýstyń adamnan adamǵa juǵýyn joqqa shyǵarýǵa bolmaıtynyn málimdeıdi.
Hantavırýs - juqtyrǵan kemirgishter arqyly taralatyn sırek kezdesetin, biraq qaýipti vırýs.
Buǵan deıin Atlant muhıtyndaǵy krýız kemesinde tynys alý joldarynyń ınfektsııasynan eki adam qaıtys bolǵany habarlanǵan bolatyn.
Kabo-Verdede ishek ınfektsııasynan 4 brıtanııalyq týrıst qaıtys boldy.
