DDU: Kovıdtiń taralý qaýpi vaktsınamen jappaı qamtylǵanǵa deıin saqtalady

JENEVA. QazAqparat - Álemde koronavırýstyq ınfektsııalar sanynyń kúrt ósý qaýpi vaktsınatsııamen jappaı qamtý qamtamasyz etilmeıinshe saqtalady. Bul týraly sársenbi kúni Jenevada ótken brıfıngte Dúnıejúzilik densaýlyq saqtaý uıymynyń (DDU) bas dırektory Tedros Adhanom Gebreııýs málimdedi, dep habarlaıdy QazAqparat atalmysh uıymnyń resmı saıtyna silteme jasap.

Dúnıejúzilik densaýlyq saqtaý uıymynyń maqsaty osy jyldyń ortasyna deıin barlyq elderdegi adamdardyń 70% vaktsınatsııalaý bolyp qala beredi», - dedi ol. «Qazirgi ýaqytta medıtsına qyzmetkerlerin, qarttardy jáne «basqa táýekel toptaryn» ımmýndaýǵa basymdyq berilýi kerek. Álem halqynyń úshten bir bóligi vaktsınatsııalanbaǵan».

DDU basshysynyń aıtýynsha, ekpemen qamtýdyń joǵary deńgeıine qol jetkizbeıinshe, ınfektsııalardyń kúrt ósýi jáne indettiń jańa nusqalarynyń paıda bolý qaýpi tómendemek emes.

Gebreııýs álemde «COVID-19 aýrýlary sanynyń ósýi» jalǵasyp jatqanyn eske saldy. Sonymen qatar, qazir birneshe el «pandemııa bastalǵaly beri barlyq ýaqyttaǵy eń joǵary ólim kórsetkishimen» betpe-bet kelip otyr. Bul omıkron nusqasynyń taralý jyldamdyǵyna baılanysty, sondaı-aq ekpe almaǵandar arasynda, ásirese egde jastaǵy adamdar arasynda ólim qaýpiniń joǵarylaýymen baılanysty, - dep túıindedi bas dırektor.

22 naýryzdaǵy jaǵdaı boıynsha 470 839 745 adam aýrý juqtyrǵan jáne 6 092 933 naýqas qaıtys bolǵan. Sońǵy aptada (14-20 naýryz) 12 mıllıonnan astam adam koronavırýs ınfektsııasyn juqtyrdy, 32 myńnan astamy qaıtys boldy. Aldyńǵy jeti kúnmen salystyrǵanda ınfektsııany juqtyrǵandar sany 7 paıyzǵa artyp, qaıtys bolǵandar sany 23 paıyzǵa azaıǵan.