DDU koronavırýstyń paıda bolýyn anyqtaý úshin Qytaıǵa jasaǵan saparynyń qorytyndysyn jarııalady
JENEVA.QazAqparat – DDU sarapshylary Qytaıdyń Ýhan qalasyna jasalǵan sapardan keıin jańa tıptegi koronavırýs zerthanadan taraǵan degen nusqa kúmándi degen qorytyndyǵa keldi. Mundaı qorytyndy seısenbi kúni DDU saıtynda jarııalanǵan baıandamada jazylǵan, dep habarlaıdy QazAqparat.
«Zerthanalyq jaǵdaı nátıjesinde adamǵa aýysýy ekitalaı bolyp kórinedi»,- delingen baıandamada.
Onda «aralyq tasymaldaýshy» arqyly vırýstyń adamdarǵa berilýi «óte yqtımal» dep kórsetilgen.
Qujatta sonymen qatar jarǵanattar COVID-19-dyń alǵashqy tasymaldaýshysy bolýy múmkin, sodan keıin vırýs basqa janýarlardyń aǵzasynda mýtatsııaǵa ushyraýy múmkin ekeni aıtylǵan.
