DDU koronavırýspen kúreste tsıfrlyq tehnologııany paıdalanýǵa shaqyrady
BRıÝSSELЬ. QazAqparat – Sandyq tehnologııa koronavırýs pandemııasymen kúresýde jetekshi ról atqara alady. Bul týraly Dúnıejúzilik densaýlyq saqtaý uıymynyń Eýropalyq óńirlik bıýrosynyń dırektory Hans Klıýge beısenbi kúngi onlaın-brıfıng kezinde málimdedi, dep habarlaıdy QazAqparattyń menshikti tilshisi.
«Sandyq tehnologııa pandemııamen kúreste jetekshi ról atqara alady. Ol naýqastanǵan adamdardyń kimmen baılanysta bolǵanyn anyqtaıdy. Eýropada sandyq baqylaý týraly ulttyq sheshim qabyldaǵan 27 eldiń quramynda Avstrııa, Grýzııa jáne Soltústik Makedonııa bar. Taǵy 4 el (Andorra, Fınlıandııa, Irlandııa, Portýgalııa) jobany daıyndap jatyr», dedi Klıýge.
«Sandyq tehnologııa men jasandy ıntellekt pandemııa kezinde óziniń tıimdiligin dáleldep úlgerdi. Frantsııada telefondaǵy vırtýaldy kómekshi jasandy ıntellektiń kómegimen bir ýaqytta myńnan asa adamǵa jaýap bere alady», - dep tolyqtyrdy ol.
«Italııa jasandy ıntellektige negizdelgen tehnologııany synaqtan ótkizip jatyr. Ol smartfondaǵy baǵdarlama men kamera arqyly júrek jıyrylýynyń jıiligi, júrek yrǵaǵynyń ártúrliligi, ottegimen qanyǵý jáne tynys alýdyń jıiligi týraly mańyzdy málimetterdi jınaıdy. Shvetsııada telemedıtsına dástúrli kómekti qoldaý úshin paıdalanylady», - dedi Hans Klıýge.
Koronavırýspen kúresýde sandyq tehnologııany utymdy paıdalanýǵa shaqyrǵan DDSU Eýropa óńirlik bıýrosynyń basshysy adamdardyń jeke málimetteriniń de qorǵalýyna basa nazar aýdarý kerektigin atap ótti.
