DDU Kongodaǵy Ebola indetiniń kórshi elderge taralý qaýpi týraly eskertti
ASTANA. KAZINFORM - Dúnıejúzilik densaýlyq saqtaý uıymy (DDSU) Kongo Demokratııalyq Respýblıkasynda (KDR) tez taralyp jatqan Ebola indeti kórshi elderge jáne búkil aımaqqa qaýip tóndirip otyrǵanyn eskertti, dep habarlaıdy reseılik TASS.
Bul týraly DDU bas dırektory Tedros Adhanom Gebreıesýs málimdedi.
— Aýrýdyń taralýynyń árbir tizbegi anyqtalyp, toqtatylmaıynsha, indet jalǵasa beredi. Ol KDR-ǵa, kórshi elderge jáne jalpy búkil aımaqqa qaýip tóndiredi, — dedi ol Jenevada ótken brıfıngte.
Ol qazirgi indet aýrý tarıhyndaǵy eń jyldam órship jatqan ári aýqymy jóninen ekinshi iri indet ekenin atap ótti. Gebreıesýstiń aıtýynsha, qaýipsiz jerleý rásimderiniń uıymdastyrylmaýy vırýstyń taralýyna yqpal etip otyr.
KDR men Ýgandada 15 mamyrda bastalǵan indettiń órshýi Afrıkada alǵash paıda bolǵaly júrgizilgen baqylaý barysyndaǵy adam eń kóp ólgen ekinshi jaǵdaı bolyp otyr.
Sońǵy málimet boıynsha, Ebola bezgeginen qaıtys bolǵandar sany 2,9 myńnan asty. Rastalǵan jaǵdaılardyń sany 6 myńnan joǵary. Qazir aýrý Kongonyń alty provıntsııasynda tirkeldi. Іndettiń negizgi oshaǵy Itýrı provıntsııasynda ornalasqan.
Osyǵan deıin Kongoda Ebola juqtyrǵandar sany taǵy da artqany týraly jazdyq.
