DDU basshysy Qazaqstandaǵy medıtsına qyzmetkerleriniń jalaqysyn arttyrý bastamasyn quptady
ASTANA. KAZINFORM — Dúnıejúzilik densaýlyq saqtaý uıymynyń (DDU) Bas dırektory Tedros Adanom Gebreıesýs Qazaqstanda medıtsınalyq-sanıtarııalyq alǵashqy kómek (MSAK) júıesinde eńbek etetin 77 myń medıtsına qyzmetkeriniń jalaqysyn arttyrý týraly sheshimdi qoldady.
DDU basshysy Facebook paraqshasynda bul bastamaǵa joǵary baǵa berdi. Onyń aıtýynsha, halyqtyń densaýlyǵy men ál-aýqatyn memlekettik saıasattyń basty nazarynda ustaý, sondaı-aq medıtsına qyzmetkerlerin qoldaý mańyzdy.
Tedros Adanom Gebreıesýs medıtsınalyq-sanıtarııalyq alǵashqy kómekke ınvestıtsııa salý arqyly Qazaqstan saıası erik-jiger men kóshbasshylyqtyń medıtsınalyq qyzmetterdiń sapasy men qoljetimdiligin arttyrýǵa qalaı yqpal etetinin kórsetip otyrǵanyn atap ótti.
Eske salaıyq, buǵan deıin Qazaqstanda kelesi jylǵy 1 qańtardan bastap medıtsınalyq-sanıtarııalyq alǵashqy kómek (MSAK) uıymdarynyń ýchaskelik qyzmetindegi 77 myń qyzmetkerge úzdiksiz eńbek ótili úshin qosymsha aqy tóleý josparlanyp otyrǵanyn habarlaǵanbyz. Bul týraly Qazaqstan Respýblıkasynyń Prezıdenti Qasym-Jomart Toqaev halyqqa arnaǵan «Qazaqstannyń jańa tarıhı kezeńdegi ózekti mindetteri» atty jyl saıynǵy Joldaýynda málimdedi.
Sondaı-aq medıtsına qyzmetkerleriniń jalaqysy qanshaǵa ósetinin taldap jazǵan edik.
