DDU Qazaqstanda alǵashqy medıtsınalyq-sanıtarlyq kómek jónindegi tuńǵysh platformasyn ashady
DDU Eýropalyq bıýrosy basshysynyń saparynyń maqsaty DDU Eýropalyq bıýrosy men Qazaqstan yntymaqtastyǵynyń qorytyndysyn shyǵarý, sondaı-aq DDU-nyń Qazaqstandaǵy medıtsınalyq-sanıtarlyq alǵashqy kómek (MSAK) jónindegi alǵashqy demonstratsııalyq platformasyn ashý.
«Birinshi kezekte, Hans Klıýge myrza, Dúnıejúzilik densaýlyq saqtaý uıymynyń ókili retinde sizben, DDU-nyń MSAK jónindegi keńsesindegi bizdiń áriptesterimizben júzdeskenimizge qýanyshtymyz jáne densaýlyq saqtaý tarıhynda alǵash ret DDU-nyń MSAK jónindegi demonstratsııalyq alańynyń ashylýy sııaqty mańyzdy sharaǵa qatysqanyńyz úshin alǵys aıtamyz», - dedi mınıstr Ajar Ǵınııat.
QR Densaýlyq saqtaý mınıstrliginiń basshysy Qazaqstan medıtsınalyq-sanıtarlyq alǵashqy kómek boıynsha eki deklaratsııanyń otany ekenin eske saldy.
1978 jyly múshe memleketter qabyldaǵan Almaty deklaratsııasy búkil álemde densaýlyq saqtaýdyń damýyna áser etti. 2018 jyly MSAK jónindegi jahandyq konferentsııa alańynda DDU-ǵa múshe memleketter – MSAK jónindegi Astana deklaratsııasyn qabyldady.
Óz kezeginde, DDU Eýropalyq óńirlik bıýrosynyń basshysy Hans Klıýge Qazaqstan Úkimeti men DDU Eýropalyq óńirlik bıýrosy arasyndaǵy aıryqsha yntymaqtastyqty atap ótti.
«2016 jyly DDU men Qazaqstan birlesip DDU-nyń medıtsınalyq-sanıtarlyq alǵashqy kómek jónindegi Eýropalyq ortalyǵyn qurdy. Sońǵy eki jylda bizdiń jumysymyz aıtarlyqtaı jedeldedi. Bizdiń medıtsınalyq-sanıtarlyq alǵashqy kómek kórsetý jónindegi ofısimiz Qazaqstanda – medıtsınalyq-sanıtarlyq alǵashqy kómek jónindegi eki mańyzdy jahandyq deklaratsııanyń otany – 1978 jyly Almaty qalasynda jáne 2018 jyly elordada ornalasqanyna óte qýanyshtymyn. Qazaqstan turaqty damý salasyndaǵy birneshe maqsatqa qol jetkizýdiń irgetasy bolyp tabylatyn medıtsınalyq-sanıtarlyq alǵashqy kómek salasyndaǵy álemdik jáne óńirlik kóshbasshy boldy jáne bolyp qala beredi», - dedi Hans Klıýge.
Ajar Ǵınııat Densaýlyq saqtaý qyzmetterimen jappaı qamtý maqsatyna qol jetkizýge arnalǵan birlesken is-sharalardy ótkizýge daıyndyǵyn rastaı otyryp, Qazaqstan aldaǵy ýaqytta da MSAK jónindegi osy eki deklaratsııany jahandyq deńgeıde belsendi túrde ilgeriletetinin atap ótti.
Óńirlik DDU basshysy Qazaqstannyń medıtsınalyq-sanıtarlyq alǵashqy kómekti nyǵaıtýdaǵy tujyrymdamadan is-qımylǵa kóshý jónindegi mysaly MSAK ulttyq qyzmetterin damytýda basqa elderge kómektesýge arnalǵanyn málim etti.
«Ár elde osy oqytýdy qalyptastyrý úshin erteń QR Densaýlyq saqtaý mınıstrligi jáne DDU-nyń Esik qalasyndaǵy medıtsınalyq-sanıtarlyq alǵashqy kómek kórsetý platformasymen birlesken jumysymyzdy bastaýǵa qýanyshtymyn. Bul elderge negizgi qozǵaýshy kúshterdi jaqsy túsinýge jáne MSAK reformalaryna kedergilerdi anyqtaýǵa kómektesý úshin MSAK qaıta qurýynyń qazaqstandyq tájirıbesin kórsetýge múmkindik beredi», - dep atap ótti doktor Hans Klıýge.
Aıta keteıik, is-sharaǵa DDU-nyń Qazaqstandaǵy ókili Karolın Klarınval (Caroline Clarinval), DDU Eýropalyq ortalyǵynyń medıtsınalyq-sanıtarlyq alǵashqy kómek jónindegi Keńsesiniń basshysy Melıtta ıAkab (Melitta Jakab), Qazaqstan Respýblıkasy Densaýlyq saqtaý mınıstrliginiń ókilderi qatysty.
