DDU: Gazadaǵy 15 600-den astam naýqas medıtsınalyq evakýatsııaǵa muqtaj

ASTANA. KAZINFORM — Gaza sektoryndaǵy 15 600-den astam turǵyn, sonyń ishinde 3 800 bala, mamandandyrylǵan medıtsınalyq kómek alý úshin evakýatsııaǵa muqtaj, dep habarlaıdy Anadoly. 

Bul týraly Dúnıejúzilik densaýlyq saqtaý uıymynyń (DDSU) bas dırektory Tedros Adhanom Gebreıesýs AQSh-tyń X áleýmettik jelisinde habarlady.

DDSU basshysy hal ústinde jatqan naýqastardy evakýatsııalaýǵa qoldaý kórsetkeni úshin Birikken Arab Ámirlikterine alǵys bildirdi.

– Gaza sektorynda 15 600-den astam naýqas, onyń ishinde 3 800 bala áli de mamandandyrylǵan kómekke muqtaj. Biz evakýatsııa aýqymyn keńeıtip, ómirlik mańyzy bar kómekke qoljetimdilikti arttyrýǵa shaqyramyz, – dep jazdy Gebreıesýs.

Sondaı-aq ol taǵy da Gaza sektorynda atysty toqtatýǵa úndeý tastady.