DDU Ebolany emdeýdi synap kórmek
ASTANA. QazAqparat - Dúnıejúzilik densaýlyq uıymy (DDU) dúısenbi kúni medıtsınalyq etıka boıynsha mamandardyń jınalysyn ótkizedi. Olar Ebola vırýsyn eksperımentaldi emdeý máselesin qarastyrmaq, dep habarlady RBK.
Qazir Ebola dertine qarsy vaktsına joq, al bul dert saldarynan týyndaıtyn ólim deńgeıi 90% jetken. Jenevada bas qosqan mamandar adamdarǵa osyǵan deıin berilmegen medıtsınalyq preparattardyń qaýip deńgeıin talqylaıdy. Sondaı-aq olar bul dáriler kimge beriletinin de anyqtaýy tıis.
Preparattar 2 amerıkalyq medıtsına qyzmetkerlerine berildi. Olardyń jaǵdaıy jaqsardy. Jeksenbi kúni ıspandyq bılik ókilderi eksperımentaldi vaktsınany ıspandyq shirkeý qyzmetkerine salýǵa ruqsat berdi. Ol vırýsty Lıberııada juqtyrǵan, keıin Madrıdke jetkizildi.
