DDU basshysy Sýdanda tyrysqaq aýrýy órshigenin habarlady

- 2026 jyldyń 20 maýsymyndaǵy jaǵdaı boıynsha, Densaýlyq saqtaý mınıstrligi tyrysqaqtyń 838 kúdikti jaǵdaıyn, 7 rastalǵan jaǵdaıdy jáne 117 ólim týraly habarlady, - dep jazdy ol X áleýmettik jelisinde.

Onyń aıtýynsha, indet qaqtyǵys saldarynan densaýlyq saqtaý júıesindegi úzdiksiz buzylý aıasynda órship tur.

- Halyqtyń kóshýi mańyzdy densaýlyq saqtaý qyzmetine qol jetkizýge kedergi keltirip jatyr. Sonymen qatar qaýipsizdiktiń bolmaýy jáne qoljetimdilikke shekteý jaýap berý toptaryn ornalastyrýdy, sondaı-aq medıtsınalyq quraldar men gýmanıtarlyq kómek jetkizýdi keshiktirip jatyr, - dedi Tedros Adanom Gebreıesýs.

Ol sondaı-aq DDSU seriktestermen densaýlyq saqtaý salasyndaǵy sharalardy úılestirip, tyrysqaqty emdeý ortalyqtary men aýyz qýysynyń regıdratatsııalyq bólimshelerin keńeıtip, tyrysqaqty emdeý jınaqtaryn jetkizip, qol jýý stantsııalaryn ornatyp, sýdy hlorlaý mamandaryn oqytyp, qoǵamdyq densaýlyq saqtaý salasyndaǵy bilim berýdi qoldap jatqanyn atap ótti.

Aıta keteıik, Dúnıejúzilik densaýlyq saqtaý uıymy (DDU) ótken aıda álemdik BAQ nazaryn aýdarǵan hantavırýs indeti resmı túrde 2 shildede aıaqtalýy múmkin ekenin málimdedi.

Densaýlyq saqtaý mınıstrligine DDSU tizimindegi dárilerdi tirkeý quzyreti beriletinin jazǵan edik.