DDU basshysy qaza bolǵan kenshilerdiń otbasylaryna kóńil aıtty

Dúnıejúzilik densaýlyq saqtaý uıymynyń basshysy Tedros Adhanom Gebreıesýs Qaraǵandy oblysyndaǵy shahtada qaza tapqandardyń otbasylaryna kóńil aıtty, dep habarlaıdy Kazinform.

Bul týraly ol X jelisindegi (Twitter) paraqshasynda jazdy.

“Búgin Qazaqstan halqy úshin óte qaıǵyly kún. Jaqyndarynan aıyrylǵan otbasylarǵa shyn júrekten kóńil aıtamyn», - dep jazdy DDSU basshysy.

Eske sala ketsek, 28 qazan kúni saǵat 2.33-te Qaraǵandy oblysyndaǵy «ArselorMıttal Temirtaý» kompanııasyna tıesili Kostenko shahtasynda jarylys boldy. Apat kezinde shahtada 252 adam bolǵan, 205 kenshi jer betine shyǵaryldy. Sońǵy málimet boıynsha, qaza tapqandar sany 36 adamǵa jetken.

Bas prokýratýra Kostenko shahtasyndaǵy oqıǵaǵa qatysty qylmystyq is qozǵady. Boljam boıynsha, kompanııanyń málimetinshe, lavada gaz metanynyń jarylǵan. Oqıǵa ornynda qutqarýshylar jumys istep jatyr. Shtab quryldy.

Oqıǵa ornyna Qazaqstan prezıdenti Qasym-Jomart Toqaev bardy. Memleket basshysy qaza bolǵan kenshilerdiń týǵan-týystary men jaqyndaryna kóńil aıtty. Memleket basshysynyń tapsyrmasy boıynsha olarǵa jan-jaqty kómek kórsetiledi.
29 qazan Qazaqstan Respýblıkasynda Jalpyulttyq aza tutý kúni bolyp jarııalandy.