DDSU: Zıka vırýsyna qarsy vaktsınalardy synaqtan ótkizý 1,5 jyldan keıin ǵana bastalady
ASTANA. QazAqparat - Dúnıejúzilik densaýlyq saqtaý uıymynyń habarlaýynsha qazirgi ýaqytta Zıka indetine qarsy birneshe vaktsına jasalyp jatyr, alaıda olarly tolyq kólemde synaqtan ótkizý bir jarym jyldan keıin ǵana múmkin, dep habarlady TASS.
DDSU basshysynyń orynbasary Marı-Pol Kını «Zıka» vırýsyna qarsy vaktsınany daıyndaýǵa 15 farmatsevtıkalyq kompanııa atsalysyp jatqanyn aıtty.
DDSU-nyń ókili sondaı-aq aldaǵy ýaqytta vırýsty anyqtaıtyn dıagnostıkalyq testterdiń paıda bolatynyn jetkizdi. Olardy daıyndaý 10 bıotehnologııalyq kompanııaǵa júktelgen.
Beısenbi kúni Brazılııanyń Densaýlyq saqtaý mınıstri Marselo Kastro Zıka vırýsyna qarsy vaktsınanyń shamamen bir jyldan keıin jasalatynyn málimdedi.
Búgingi tańda Brazılııada Zıka vırýsynan úshinshi adam kóz jumdy.
