DDSU Zıka vırýsyn jahandyq qater dep tapty
ASTANA. QazAqparat - Dúnıejúzilik densaýlyq saqtaý uıymy Zıka vırýsyn Latyn Amerıkasy elderiniń basyna tóngen qater jáne álemdik masshtabtaǵy qaýip dep tapty.
DDSU boljamynsha, Soltústik jáne Ońtústik Amerıka elderinde 4 mln. adam osy dertke shaldyǵýy múmkin.
Dúnıejúzilik densaýlyq saqtaý uıymynyń bas dırektory Margaret Chan buǵan deıin Zıka vırýsynyń eleýsiz dertten jahandyq qaterge aınalǵanyn aıtqan bolatyn. Ótken aptada atalǵan uıym vırýstyń tez taralýyna baılanysty onyń aldyn alatyn «shuǵyl top» qurý týraly sheshim qabyldaǵan. Vırýs adamnan adamǵa masalar arqyly taraıdy. Ol ásirese ekiqabat áıelderge qaýip tóndiredi. Sebebi anasy aýyrǵan nárestede mıkrotsefalııa paıda bolýy múmkin.
Latyn Amerıkasynyń kóptegen elderi bala kóterýdi josparlap júrgenderge bul isti keıinge qaldyrý týraly keńes berip jatyr, dep habarlaıdy Bı-bı-sı.
