DDSU: Zıka vırýsymen kúresý úshin $56 mln kerek
ASTANA. QazAqparat - Dúnıejúzilik densaýlyq saqtaý uıymy Zıka vırýsynyń taraýymen kúresý úshin 56 mln. dollar kerek ekenin málimdedi. Bul qarjy ekpe men dıagnostıka júrgizýge de baǵyttalady.
Vırýsty taratatyn masalardy baqylaý úshin DDSU óz qarajatynyń 25 mln. dollaryn jumsaıdy.
Qazir Zıka aýrýyna qarsy birneshe vaktsına daıyndalyp jatyr. Ony qurastyrýǵa 15 farmatsevtıkalyq kompanııa jumyldyryldy, dep habarlady Bı-Bı-Sı.
DDSU habarlaǵandaı, ekpelerdi tolyqqandy synaý bir jarym jyldan keıin bastalady.
Osyǵan deıin uıym kóktemniń kelýimen Zıka vırýsynyń Eýropada taraý qaýpi týyndaıtynyn habarlaǵan.
Ol, negizinen, júkti bolýdy josparlap otyrǵan áıelder úshin asa qaýipti. Óıtkeni ol sábıde mıkrotsefalııanyń paıda bolýyna ákep soǵýy múmkin
Náresteler dúnıege kelgende basy kishkentaı bolyp, mıynyń damýy buzylady. Brazılııada bul dıagnozben myńdaǵan bala týdy.
