DDSU: Jyl saıyn 650 myń adam tumaýdan kóz jumady
ASTANA. QazAqparat - Dúnıejúzilik densaýlyq saqtaý uıymy (DDSU) maýsymdyq tumaýǵa baılanysty tynys alý aýrýlarynan qaıtys bolý týraly derekterdiń artýyn qaıta qarady.
Beısenbi kúni jarııalaǵan sarapshylardyń jańa baǵalaýyna sáıkes, mundaı aýrýdan jyl saıyn osy ýaqytqa deıin eseptelip kelgendeı 500 myń emes, 650 myń adam kóz jumady, dep habarlaıdy TASS .
Jenevada taratylǵan baspasóz baıanynda jazylǵandaı, DDSU-nyń tumaý boıynsha jańa baǵalaýy AQSh Aýrýlardyń aldyn alý jáne baqylaý federaldik ortalyǵy (Centers for Desease Control and Prevention, CDC) men olardyń seriktesteri júrgizgen ǵylymı zertteýdiń qorytyndysyn esepke ala otyryp jasalǵan.
Eger budan buryn mamandar jyl saıyn 250-500 myń adam tumaý juqtyrý saldarynan kóz jumady dep kelse, endi sarapshylar olardyń sany 290-650 myń aralyǵynda ekendigin aıtýda.
CDC atap ótkendeı, tumaýdan kóz jumǵandardyń kópshiliginiń jasy 75-ten asqandar, sondaı-aq olar álemniń kedeı óńirlerindegi turǵyndar. Tumaýdan kóz jumý qaýpi joǵary aımaqqa Afrıka, sonyń ishinde Saharanyń ońtústigindegi óńirler jataly. Odan keıingi orynda Jerorta teńiziniń shyǵysy men Ońtústik-Shyǵys Azııa elderi tur.
