DDSU joldaǵan kómek Qostanaı oblysyna jetti

QOSTANAI. QazAqparat – Qostanaı oblysy ákimdiginiń Densaýlyq saqtaý basqarmasy kezekti gýmanıtarlyq kómekti qabyldap aldy, dep habarlaıdy QazAqparat oblys ákimdiginiń jedel shtabyna silteme jasap.

Bul jolǵy kómekti Dúnıejúzilik densaýlyq saqtaý uıymy men Túrkııa memleketi joldaǵan. Basqarma mamandary 2 jasandy tynys alý apparaty qabyldap aldy. Bul qurylǵylar oblys ortalyǵynan shalǵaı ornalasqan Amangeldi jáne Jangeldın aýdandaryna beriledi.

«Gýmanıtarlyq kómek retinde 80 myń betperde, 3 600 kózildirik, 2 000 qorǵanysh halaty, 6 700 qorǵanysh kostıými, 25 100 qorǵanysh ekrany keldi. Bular taıaý ýaqytta barlyq medıtsınalyq mekemelerge úlestiriledi. Buǵan deıin Reseıden qorǵanysh kostıýmderi, maska, kózildirik, qolǵap, aıaqqap ákelindi. Kostıýmderdiń jalpy quny 308 mln teńge», - delingen shtab aqparatynda.

Búginde óńirdegi medıtsınalyq uıymdarda COVID-19 emdeý hattamasymen usynylatyn dári-dármekterdiń 2 aılyq qory bar. Sondaı-aq, jeke qorǵaný quraldarymen qamtamasyz etý jaǵdaıy turaqtandy, ol da 2 aıǵa jetedi.