DDSU: Jer turǵyndarynyń 92% lastanǵan aýamen demalady
ASTANA. QazAqparat - Dúnıejúzilik densaýlyq saqtaý uıymy (DDSU) zertteý nátıjelerin jarııalady. Oǵan sáıkes, ǵalamshardyń on turǵynynyń toǵyzy aýasy lastanǵan aýmaqtarda turady. DDSU bul saladaǵy «tótenshe jaǵdaı» jaıly eskertti.
"Aýanyń lastanýy máselesi ózektiligin ulǵaıtyp keledi. Ol ekonomıkanyń jaǵdaıy men adam ómirleriniń sapasyna áser etýde. Bul densaýlyq saqtaý salasy úshin tótenshe jaǵdaı", - delingen DDSU baıandamasynda.
Uıym aýa tazalyǵyn ólsheý málimetterine negizdelgen álemniń arnaıy ınteraktıvtik kartasyn qurdy. Aýada zııandy zattardyń bolýy Qytaı men Úndistanda ǵana emes, sonymen qatar Eýropanyń kóptegen elderinde, Reseıdiń eýropalyq bóliginde DDSU normalaryna saı emes.
Aǵymdaǵy jyldyń mamyrynda DDSU qalalardaǵy aýa sapasy tómendep jatyr degen sheshimge keldi. Bul aýrýlardyń týý qaýpin arttyryp otyr. Uıym málimetterine sáıkes, Jer turǵyndarynyń 80% astamy aýasy lastanǵan jerde turady.
