DDSU jastar arasynda kóp kezdese bastaǵan dertterdi atady
ASTANA. QazAqparat - Medıtsınalyq statıstıkaǵa súıensek, buryn aǵa býyn ókilderinde ǵana kezdesetin aýrýlarǵa, jastar da shaldyǵa bastady. DDSU sarapshylary eńbekke jaramdy jastaǵy adamdar arasynda tarala bastaǵan dertterdiń tizimin jasady.
Mamandar atap ótkendeı, aýrýdyń týýyna áser etetinderdiń biri az qımyldaý. Kóp qımyldamaı, durys tamaqtanbaý saldarynan densaýlyqqa zaqym keltirýge bolady, dep jazdy RBK.
Jastar arasynda kóp kezdesetin syrqattardyń qatarynda omyrtqa osteohondrozy, osteoporoz, júrek-qan tamyr dertteri (ateroskleroz, gıpertonııa, ınsýlt, ınfarkt), melanoma (teri obyrynyń agressıvti formasy), podagra bar.
Atalǵan dertterdiń barlyǵy derlikteı artyq salmaq, alkogol ishimdikteri men temekini paıdalaný, bir orynda kóp otyrý jáne durys tamaqtanbaýmen baılanysty.
Dárigerlerdiń aıtýynsha bul aýrýlardyń barlyǵynan tolyq aıyǵý múmkin emes. Buǵan muragerlik faktory da áser etedi. Alaıda, durys ómir saltyn júrgizý arqyly syrqattyń asqynýyna tosqaýyl qoıýǵa bolady.
