DDSU: Iemenge shuǵyl túrde gýmanıtarlyq kómek jetkizetin jol ashý qajet
ASTANA. QazAqparat - Dúnıejúzilik densaýlyq saqtaý uıymy (DDSU) shuǵyl túrde Iemenge gýmanıtarlyq júk jetkizetin jol ashý qajettigin aıtty. DDSU-nyń Tótenshe jaǵdaılar jónindegi baǵdarlamalar dırektory Pıter Salamanyń beısenbi kúni Jenevada aıtqan sózine qaraǵanda, Iemende osy ýaqytta 7 mln adam ash otyr. Eger osy kezde olarǵa jedel túrde azyq-túlik pen qajetti dári-dármekter jetkizilmeıtin bolsa, adamdardy aman alyp qalý múmkin bolmaı qalady. Bul týraly TASS agenttigi habarlady.
«DDSU men ózge de gýmanıtarlyq uıymdar jedel túrde Iemenge eshqandaı qıyndyqtar men kedergilersiz jetetin joldy qajet etip otyr»-dedi ol.
Halyqaralyq uıym ókiliniń sózinshe, bul eldi tyrysqaq indetiniń taraýy áli de jalǵasýda jáne osy eldiń 7 mln turǵyny ash otyr. Olardyń 2 mıllıonǵa jýyǵy balalar, olar tamaqtyń azdyǵynan ábden azyp-tozǵan.
«Eger biz qazir Iemenge azyq-túlik pen medıtsınalyq materıaldardy jetkizbeıtin bolsaq, bul adamdardy aman alyp qalý múmkin bolmaı qalady»,-dedi Salama.
DDSU óziniń baspasóz-baıanynda sársenbi kúni uıym ókilderiniń teńiz arqyly 250 tonna medıtsınalyq materıaldar men anestezııaǵa qarsy preparattardy jáne sýdy zararsyzdandyrýǵa arnalǵan dárilerdi qajetti jerge jetkize almaǵandyǵyn aıtqan. Hodeıde portynyń qorshaýda bolýyna baılanysy júk tıelgen keme Djıbýtıge jete almaǵan.
