DDSU: Vaktsına Afrıkada 1,8 mıllıon adamnyń ómirin saqtap qaldy

ASTANA. KAZINFORM – 2023 jyly Afrıkada júrgizilgen vaktsınatsııanyń arqasynda 1,8 mıllıon adamnyń ómiri qutqaryldy. Bul týraly Dúnıejúzilik densaýlyq saqtaý uıymy (DDSU) habarlady, dep jazady Anadoly.

DDSU-nyń Afrıka elderine arnalǵan Aımaqtyq bıýrosynyń málimdeýinshe, qyzylsha, polıomıelıt jáne jatyr moıny obyry sııaqty aýrýlardyń aldyn alýǵa úkimetterdiń Globaldyq vaktsına jáne ımmýndaý alıansy (GAVI), BUU Balalar qory (ıÝNISEF) jáne DDSU-men birlesip júrgizgen ekpe naýqandary úlken úles qosty.

DDSU-nyń Afrıka boıynsha aımaqtyq dırektorynyń orynbasary Chıkve Ihekveazý polıomıelıt jaǵdaılarynyń aıtarlyqtaı azaıǵanyn atap ótti.

– Polıomıelıt jaǵdaılary azaıyp keledi. Alaıda ekpege qol jetkize almaı júrgen balalar sany jáne aýrýdyń áli de tirkelip jatqan oshaǵy aımaqtaǵy eleýli problema bolyp otyr. Biz vaktsınatsııa boıynsha birqatar jetistikke jettik, biraq alda atqaratyn jumys kóp. Bolashaq úshin ımmýndaýǵa ınvestıtsııa salýymyz qajet, - dedi ol.

Ihekveazýdyń málimetinshe, 2024 jylǵa josparlanǵan vaktsınatsııa naýqany aıasynda 5 mıllıon balaǵa ekpe egilgen.

Sondaı-aq adam papıllomasy vırýsyna (HPV) qarsy vaktsınanyń arqasynda kóptegen jas qyzdar jatyr moıny obyrynan aman qalǵan.

Ihekveazý Afrıka HPV-ge qarsy vaktsına egý boıynsha álemde ekinshi orynǵa shyqqanyn atap ótti.

Ótken jyly Afrıkada maımyl shesheginen 1 myńnan astam adam qaıtys bolǵanyn jazdyq.

DDSU mpox vırýsyna qarsy ekinshi vaktsınany maquldady. Ony balalarǵa da qoldanýǵa bolady.