DDSU uzaq ómir súrýge qolaıly qalany atady
ASTANA. QazAqparat - Dúnıejúzilik densaýlyq saqtaý uıymy ıspandyq Granada provıntsııasyndaǵy Lanharon qalashyǵyn ómir uzaqtyǵyn arttyrý úshin álemdegi eń qolaıly jerdiń biri dep atady.
Birinshi kezekte ol bul jerdiń klımatyna, ornalasqan jeriniń bıiktigine jáne tanymal aýyz sýynyń sapasymen baılanysty bolyp otyr.
Lanharonnyń árbir tórtinshi turǵyny 80 jasty eńsergen eken, sondaı-aq olardyń kóbi 100-den asqan qarttar. Qalashyqtyń barlyq halqy 3600-ge jýyq, ıaǵnı bunda jasy 80-nen joǵary adamdar 900-den asqan.
Mýnıtsıpaldyq bılik uzaq ómir súrýdiń qupııasy taýdaǵy qaınar bulaqtardan aǵyp jatqan sýda jatqanyn alǵa tartýda.
Lanharon meri Erık Eskobedonyń aıtýynsha, osynyń qupııasy taýly sýda ǵana emes, sonymen qatar qalashyqtaǵy jaqsy kóńil-kúıge de baılanysty.
«Bul jerde adamdar paıdaly taǵamdarmen tamaqtanyp, kóp serýendeıdi jáne ómirge qýanyshpen qaraıdy. Qarttar kún saıyn ózderiniń bı keshterine, tiri aǵzalardyń qartaıýy protsesin zertteıtin medıtsınanyń arnaıy dáristerine barady. Sonymen qatar aýanyń tazalyǵy da uzaq ómir súrýge yqpal etedi»,-dep naqtylap ótti qala basshysy.
