DDSU «Spýtnık V» vaktsınasynyń tıimdiligi týraly aıtty
MÁSKEÝ. TASS-QazAqparat – The Lancet medıtsınalyq jýrnalynda reseılik «Spýtnık V» vaktsınasyn klınıkalyq zertteýdiń úshinshi kezeńiniń nátıjeleri jaıly jazylǵan jarııalanymda preparattyń koronavırýspen kúresý úshin tıimdi ekenin kórsetilgen. Bul týraly sársenbide Dúnıejúzilik densaýlyq saqtaý uıymynyń (DDSU) Reseıdegi ókili Melıta Výınovıch aıtty, dep habarlaıdy QazAqparat TASS agenttigine silteme jasap.
Výınovıch, eń aldymen, táýekel tobynda turǵan adamdarǵa koronavırýsqa qarsy ekpe salý kerek, bul ólim jaǵdaıyn azaıtýǵa kómektesedi dep atap ótti. Ol sondaı-aq preparatty satyp ala almaıtyn elderdi vaktsınamen qamtamasyz etý qajet ekenin de aıtty.
«DDSU óte belsendi qatysýda. Barlyq eldermen kelissózder joǵary deńgeıde júrip jatyr», - dedi DDSU-nyń Reseıdegi ókili.
Buǵan deıin habarlanǵandaı, reseılik «Spýtnık V» vaktsınasy koronavırýstan 92%-ǵa jýyq qorǵaıdy. Synaqtyń sońǵy satysyndaǵy nátıje The Lancet jýrnalynda jarııalanǵan bolatyn.
