DDSU sarapshylary koronavırýstyń shyǵý sebebin anyqtaý úshin Qytaıǵa barady

BEIJІŃ. QazAqparat – 14 qańtar kúni Dúnıejúzilik densaýlyq saqtaý uıymynyń (DDSU) halyqaralyq sarapshylary COVID-19 vırýsynyń shyǵý sebepterin tekserý úshin Qytaıǵa barady. «QazAqparat» HAA menshikti tilshisi bul týraly QHR Densaýlyq jáne gıgıena máseleleri jónindegi memlekettik komıtetine silteme jasap habarlaıdy.

Vedomstvo aqparatyna sáıkes, taraptar arasynda ótken keńesterden keıin halyqaralyq sarapshylar toby 14 qańtarda Qytaıǵa baryp, onda «qytaılyq ǵalymdarmen birge koronavırýstyń jańa úlgisiniń shyǵýyn anyqtaý boıynsha birlesken zertteý jumystaryn júrgizedi».

Ótken táýlikte Qytaıdyń materıktik bóliginde koronavırýs juqtyrýdyń jańadan 103 oqıǵasy tirkeldi, sonyń ishinde 85 adam shetelge shyqpaǵan jergilikti turǵyndar. Bul rette jergilikti oqıǵalardyń kóbi Hebeı provıntsııasynyń lokdaýn engizilgen eki iri qalasynda – Shıtszıachjýan men Sıntaıda (82) anyqtalǵan.

Sońǵy resmı málimetterge sáıkes, QHR-dyń materıktik bóliginde koronavırýs juqtyrǵandardyń 93,93 paıyzy emdelip shyqty. 2019 jyldyń jeltoqsan aıynan beri aýrý juqtyrǵandardyń sany 87,5 myń adamnan asty.