DDSU sarapshylar toby Ýhan vırýsologııa ınstıtýtyna bardy
DDSU delegatsııa tobynyń jetekshisi, zoonozdy ınfektsııalar jáne azyq-túlik qaýipsizdigi jónindegi sarapshy Pıter Ben Embarek «Hýantsıý Shıbao» basylymyna sársenbide Dúnıejúzilik densaýlyq saqtaý uıymynyń sarapshylary Ýhan vırýsologııa ınstıtýty men R4 zerthanasyna barǵany týraly aqparatty rastady.
Buǵan deıin qytaılyq BAQ-qa bergen suhbatynda Pıter Ben Embarek onyń komandasy COVID-19 pandemııasy kezinde álemge tanymal bolǵan qytaılyq vırýsolog Shı Chjenlımen kezdesýdi josparlaǵanyn aıtqan bolatyn.
Eske sala keteıik, DDSU sarapshylary 14 qańtarda COVID-19 vırýsynyń shyǵý sebepterin zertteý úshin Ýhanǵa kelgen edi.
DDSU sarapshylar toby 28 qańtarda Ýhanda (Hýbeı provıntsııasy) jumysyn bastady. Óıtkeni Qytaıǵa shetelden kelgenderdiń barlyǵy mindetti túrde eki aptalyq karantınde bolýy kerek.
DDSU sarapshylarynyń Ýhan vırýsologııa ınstıtýtyna saparynyń nátıjeleri týraly ázirge málimet joq.