DDSU sarapshylar toby COVID-19-dyń paıda bolý sebebin anyqtaý úshin Ýhanǵa keldi

BEIJІŃ. QazAqparat – Beısenbi kúni Dúnıejúzilik densaýlyq saqtaý uıymynyń (DDSU) halyqaralyq sarapshylar toby COVID-19-dyń paıda bolý sebebin anyqtaý úshin Ýhan qalasynyń «Tıanhe» áýejaıyna kelip qondy, dep habarlaıdy QazAqparat CGTN telearnasyna silteme jasap.

Ereje boıynsha DDSU delegatsııasynyń músheleri 14 kúndik karantınnen ótýi tıis. DDSU tobynyń quramyna ártúrli elderdiń mamandary kirgen.

Buǵan deıin QHR Densaýlyq saqtaý isteri jónindegi memlekettik komıtet habarlaǵandaı, DDSU halyqaralyq sarapshylar toby Qytaıda qytaılyq ǵalymdarmen birge koronavırýstyń jańa túriniń paıda bolýyn baqylaý boıynsha birlesken zertteýler júrgizedi.

Eske sala keteıik, 2019 jyldyń sońynda Qytaı bıligi DDSU-ǵa Hýbeı provıntsııasynyń Ýhan qalasynda belgisiz pnevmonııanyń órshigeni týraly habarlaǵan bolatyn.