DDSU: Serra-Leonede Ebola vırýsynyń taralýy toqtatyldy
ASTANA. QazAqparat - Serra-Leonedegi Ebola vırýsynyń taralýyn toqtatýǵa qol jetkizildi, dep málim etti senbi kúni RF-nyń Densaýlyq saqtaý mınıstrliginiń resmı ókili Oleg Salagaı Dúınejúzilik densaýlyq saqtaý uıymynyń málimetterine silteme jasap.
«Búgin DDSU Serra-Leonede Ebola vırýsynyń taralýy toqtatylǵanyn jarııalady. Belgilengen epıdemıologııalyq talaptarǵa sáıkes sońǵy patsıent qaıta testiden ótkenine 42 kún qajet. Endi 2016 jyldyń aqpanyna deıin bul eldegi aýrýdyń jaı-kúıine tereńdetile baqylaý júzege asyrylady», - dedi Salagaı.
Ol Batys Afrıkada epıdemııa bastalǵaly álemde Ebola bezgeginiń 28,6 myńnan astam faktisi tirkelgenin, 11,3 myń adam bul indetten kóz jumǵanyn eske saldy. Reseı epıdemııa bastalǵan kezde-aq zardap shekken elderge kómektesýdiń belsendi áreketterin qolǵa aldy, tıisti halyqaralyq jobalarǵa qoldaý jasaldy, dep atap ótti Salagaı.
«Іndet bastalǵan boıda Gvıneıa Respýblıkasyna jetekshi respeılik vırýsologtar attandyryldy. Gvıneıalyq áriptesterge medıtsınalyq jabdyqtar berildi, osy elde zerthanamen jaraqtanǵan arnaıy dárigerler brıgadasy jumys istedi», - dedi vedomstvonyń resmı ókili.
Ebolamen kúrestegi birlesken is-qımyl osy jylǵy qazan aıynda Máskeýde BRIKS elderi densaýlyq saqtaý mınıstrleriniń kezdesýi barysynda talqylandy, dep qosty ol.
