DDSU Pfizer vaktsınasyn shuǵyl jaǵdaıda qoldanýǵa ruqsat etti
LONDON. QazAqparat – Dúnıejúzilik densaýlyq saqtaý uıymy Covid-19 qarsy Pfizer vaktsınasyn shuǵyl jaǵdaıda qoldanýǵa ruqsat etti. Jáne bul álemde mundaı ruqsat alǵan alǵashqy preparat, dep habarlaıdy QazAqparat VVS-ge silteme jasap.
DDSU málimdemesinde vaktsınanyń sapasyn, qaýipsizdigi men tıimdiligin álemniń ár túrli elderiniń sarapshylary baǵalaǵandyǵy aıtylǵan.
Shuǵyl qoldanýǵa ruqsatty barlyq qajetti synaqtardyń nátıjeleri áli daıyn emes, biraq epıdemııamen kúresý úshin qajet preparattar alady. Dúnıejúzilik densaýlyq saqtaý uıymy mundaı ruqsat vaktsınany birqatar elge, sonyń ishinde damýshy elderge jetkizýge keıbir kedergilerdi alyp tastaıtynyn atap ótti.
Budan buryn habarlanǵandaı, aldyn ala nátıje kórsetkendeı, ǵalymdar koronavırýstan 90% qorǵaıtyn tıimdi vaktsınany jasap shyǵardy.
Pfizer jáne BioNTech ázirleýshi kompanııalar bul oqıǵany ǵylym men adamzat úshin uly kún dep atady. Klınıkalyq synaqtarǵa álemniń alty elinde 43500 adam qatysyp, onyń esh janama áseri bolmady. Ázirleýshiler jańa vaktsınany qarasha aıynyń sońynda qoldanyp kórmek. Sol úshin jedel sertıfıkattaý protsedýrasyna ótinish berýdi josparlap otyr
