DDSU: Ońtústik Sýdanda shamamen 40 adam tyrysqaq aýrýynan qaza tapty
ASTANA. QazAqparat - Ońtústik Sýdanda shamamen 40 adam tyrysqaq aýrýynan qaza tapty. Bul týraly seısenbi kúni atalǵan afrıkalyq eldegi Dúnıejúzilik densaýlyq saqtaý uıymy (DDSU) ókilderi jarııa etti, dep jazady sheteldik BAQ.
"Búgingi kúnge deıin Ońtústik Sýdanda kem degende 39 adam tyrysqaq derti saldarynan qaza tapty", - delingen DDSU málimdemesinde. Sonymen qatar, uıym aqparatynsha, búginde tyrysqaq juqtyrýdyń 1200 oqıǵasy resmı túrde tirkelgen.
Dárigerlerdiń aıtýynsha, bul kesel el astanasy Djýba qalasynan kórshiles provıntsııalarǵa tez tarap jatyr.
Ońtústik Sýdannyń Densaýlyq saqtaý mınıstrligi bıyl mamyr aıynyń ortasynda tyrysqaq aýrýynan bir adam qaza tapqanyn málimdegen. Al, maýsym aıynyń sońynda epıdemııanyń bastalýy týraly resmı túrde habarlandy. Djýbadaǵy bosqyndar lageri onyń oshaǵyna aınaldy.
