DDSU ómir uzaqtyǵynyń edáýir óskendigin atap ótti
ASTANA. QazAqparat - Búkil álemde ómir uzaqtyǵy ulǵaıdy, delingen Dúnıejúzilik densaýlyq saqtaý uıymynyń baıandamasynda, dep habarlady Ýtro.rý.
«2014 jylǵy densaýlyq saqtaýdyń álemdik statıstıkasy: ómir uzaqtyǵynyń eleýli ósimi» baıandamasynda, atap aıtqanda, 2012 jyly týylǵan qyzdyń kútiletin ómir uzaqtyǵy - 73 jasqa jýyq, al balalardiki - 68 jas delingen. Bul 1990 jyly týylǵan balalardyń kútilip otyrǵan jahandyq ómir uzaqtyǵynan 6 jasqa kóp.
DDSU statıstıkalyq málimetteri boıynsha, ómir jasynyń uzaqtyǵyn ulǵaıtýda kiristeriniń deńgeıi tómen elder edáýir ilgerileýge qol jetkizgeni atap ótilgen, olarda 1990-2012 jyldar arasyndaǵych kezeńde ómir uzaqtyǵy ortasha eseppen 9 jylǵa ósken. Kútilip otyrǵan ómir uzaqtyǵy Lıberııada (42-den 62 jasqa deıin), Efıopııada (45-ten 64 jasqa deıin), Maldıv araldarynda (58 jastan 77 jasqa deıin), Kambodjada (54 jastan 72 jasqa deıin), Tımor-Leshtede (50 jastan - 66 jasqa deıin) jáne Rýandada (48 jastan 64 jasqa deıin) ósken.
