DDSU ókili: Qazaqstanda 15-29 jas aralyǵynda ólimniń negizgi sebebi — jol-kólik oqıǵasy
NUR-SULTAN. QazAqparat - Álem boıynsha jyl saıyn 1,5 mln adam jol-kólik oqıǵasynan qaza tabady. Bul týraly Ortalyq kommýnıkatsııalar qyzmetinde ótken brıfıngte Dúnıejúzilik densaýlyq saqtaý uıymynyń turaqty ókili Oleg Chestnov aıtty, dep habarlaıdy QazAqparat tilshisi.
«Qarasha aıynyń úshinshi jeksenbisi - Dúnıejúzilik jol-kólik oqıǵalarynyń qurbandaryn eske alý kúni. Álem boıynsha jyl saıyn 1,5 mln adam, kún saıyn 2600, ár 24 sekýnd saıyn 1 adam jol-kólik oqıǵasynan kóz jumady. Beıbit kúnde osyndaı kórsetkish bolýy - óte qaıǵyly jaǵdaı», - deıdi Oleg Chestnov.
Ol jol-kólik oqıǵasynan kóz jumý jaǵdaılaryn ólimniń aldyn alýǵa bolatyn sebepterge jatqyzatynyn aıtty.
«Ókinishke qaraı, Qazaqstanda jáne álem boıynsha 15-29 jas aralyǵynda ólimniń negizgi sebebi - jol-kólik oqıǵasy. Dárigerler jol-kólik oqıǵalarynan zardap shekken adamdarǵa kómektesedi. Alǵashqy medıtsınalyq kómek kórsetken jaǵdaıda jol-kólik oqıǵasynan qaza tapqan 100 adamnyń alpysyn aman alyp qalýǵa bolar edi. Dáriger retinde kólik júrgizýshilerine aıtarym, alǵashqy medıtsınalyq kómek kórsetýdi meńgeripalý kereksizder», - deıdi ol.
