DDSU ókilderi Qazaqstan densaýlyq saqtaý júıesin oń baǵalady
Memlekettik hatshy qoǵamdyq densaýlyq saqtaý júıeleri men qyzmetterin nyǵaıtýǵa baǵyttalǵan Uıymnyń bastamalaryna alǵysyn jetkizdi. Sonymen qatar elimiz DDSU-men saladaǵy ózekti máselelerdi sheshýdegi birlesken jobalarly júzege asyrýǵa belsendi qatysyp jatqandyǵy atap ótildi.
Talqylaý barysynda Uıymnyń Almatydaǵy Alǵashqy medıtsınalyq-sanıtarlyq kómek kórsetý ofısiniń geografııalyq qashyqta ornalasqan qyzmetiniń jumysy qaraldy. Munymen qosa, G. Ábdiqalyqova Qazaqstannyń Alamatyda kópjaqty dıplomatııa boıynsha BUU Habyn qurý týraly bastamasy tóńireginde sóz qozǵady.
Tilshilerge bergen suhbaty barysynda Jýjanna ıAkab Qazaqstanǵa 2-3 jylda bir saparlap turatynyn jáne eldegi densaýlyq saqtaý salasyndaǵy jaǵdaı turaqty túrde jaqsaryp jatqanyn jetkizdi.
«ıAǵnı halyq densaýlyǵy kórsetkishi boıynsha, sondaı-aq jalpy densaýlyq saqtaý júıesiniń kúsheıgendigi turǵysynda ońtaıly jetistikter barshylyq. Ózderińiz bilesizder, Almatyda alǵashqy medıtsınalyq-sanıtarlyq kómek kórsetetin ortalyǵymyz ornalasqan, ol uıymǵa múshe 53 memlekettiń jumysyn úılestiredi. Jalpy biz QR Úkimetiniń tarapynan qoldaýǵa ıemiz jáne osy kómek úshin alǵysymyzdy aıtamyz»,-dedi J. ıAkab.
Aıta keteıik, Almatydaǵy DDSU ofısi 53 eldiń ókildigindegi jumysty úılestiredi. Mundaı bólimsheniń ashylýy Eýropa aımaǵynda engizilip jatqan ozyq tehnologııany meńgerip, eldiń densaýlyq saqtaý salasyndaǵy ıntellektýaldyq múmkindikti qalyptastyrýǵa múmkindik berýde.
Bul qurylym tek qana Qazaqstan aımaǵynda ǵana emes, Eýropada da alǵashqy medıtsınalyq kómek kórsetýdiń damýy boıynsha zertteý jumystary men usynymdardy jasaýmen aınalysady.
