DDSU-ny vırýs juqtyrǵandar sany artqan Úndistan men Irandaǵy jaǵdaı alańdatyp otyr
NUR-SULTAN- bbc- QazAqparat – Dúnıejúzilik densaýlyq saqtaý uıymy (DDSU) juma kúni maskaǵa degen ustanymyn ózgertti. Endi halyqaralyq uıym úkimet ókilderine qoǵamdyq oryndarda matadan tigilgen maska taǵyp júrýdi mindetteýdi usynyp otyr.
Bul týraly búgin bbc agenttiginen málim boldy. Agenttik taratqan málimetterge qaraǵanda, qazirgi tańda Úndistan men Iranda vırýs juqtyrǵandar sany artyp ketti. Sarapshylar bul indettiń ekinshi tolqynynyń belgisi degen boljam jasap otyr. Eýropalyq Odaq (EO) elderi 1 shildede shekarany ashý máselesin oılastyryp jatyr. Brıtanııa men Shvetsııa Eýropadaǵy barýǵa eń qaýipti memleketterdiń biri bolyp otyr.
Djon Hopkıns ýnıversıtetiniń málimetterinshe, pandemııa bastalǵaly koronavırýsty álemde 6,6 mln adam juqtyryp, indettiń saldarynan 400 myńǵa jýyq adam qaıtys bolǵan.
Vırýs juqtyrǵandar sany jaǵynan qurlyqtar boıynsha kóshbasshy elder de belgili. Eýropada pandemııadan eń kóp zardap shekken elder - Ulybrıtanııa, Italııa, Frantsııa jáne Ispanııa. Reseı vırýs juqtyrǵandar sany jaǵynan álemde úshinshi orynda tur. Alaıda bul memlekette adam ólimi ózgelermen salystyrǵanda óte tómen. Soltústik Amerıkada naýqastar sany jaǵynan aldyńǵy orynda AQSh tur. AQSh ta álemdegi Covid-19 indetinen eń kóp zardap shekken memleketterdiń biri. Іndet eń kóp taraǵan elderdiń aldynda Ońtústik jáne Ortalyq Amerıkada Brazılııa men Meksıka tur. Afrıkada OAR, Egıpet pen Nıgerııa, Azııada Úndistan men Iran tur.
Іndettiń taraýymen kúres úshin «úlken jıyrmalyq» elderi men oǵan shaqyrylǵan memleketter 21 mlrd dollar bólýdi kózdep otyr. Mundaı málimdeme G20 saıtynda senbi kúni jarııalandy.
Pandemııa taraı bastaǵan ýaqytta DDSU ókilderi maskany tek koronavırýs juqtyrǵan jáne aýrý sımptomdary bar, sondaı-aq naýqastarmen baılanystaǵy azamattar taǵýy kerek degen bolatyn. Halyqaralyq uıym ókilderi áýelde maskanyń vırýstan qorǵaıtynyna asa mán bermedi, olar kerisinshe, qoldy jýyp, taza ustap júrýdiń paıdasy zor degen keńes berdi.
Alaıda zertteý sharalary maskany durys qolodaný indetten qorǵanýdyń eń tıimdi joly ekendigin kórsetti.
Degenmen DDSU ókilderi jalǵaz maskanyń qaýipsizdik kepili bola almaıtynyn, qaýipsizdik sharalaryn keshendi túrde qoldaný kerektigin aıtyp otyr.
