DDSU maımyl shesheginiń órshýin jahandyq tótenshe jaǵdaı dep jarııalady
Dúnıejúzilik densaýlyq saqtaý uıymynyń málimetinshe, qazir 75 elde atalǵan aýrýǵa 16 myńnan astam adam shaldyǵyp, 5 adam kóz jumǵan.
«Biz az zerttegen bul dert búkil álemge tez tarap ketti. Sondyqtan maımyl sheshegi jahandyq qoǵamdyq densaýlyq saqtaýdaǵy tótenshe jaǵdaı dep esepteımin», - dedi uıym basshysy Tedros Gebreıesýs.
Qazir DDSU indetti jahandyq densaýlyqqa qaýip retinde qarastyrady, sondyqtan vırýstyń odan ári taralýyn jáne yqtımal pandemııanyń aldyn alý úshin kelisilgen halyqaralyq áreket qajet.
Qaýiptiń bul deńgeıi elderdiń úkimetterine mindetti talaptar qoımaıdy, biraq shuǵyl áreketke shaqyrady.
Dúnıejúzilik densaýlyq saqtaý uıymy ózine múshe memleketterge tek nusqaýlar men keńes bere alady jáne jahandyq densaýlyqqa qaýip tóndiretin jaǵdaılar týraly habarlaýǵa mindetti.
DDSU baǵalaýy boıynsha, maımyl shesheginiń taralý qaýpi jahandyq deńgeıde ortasha. Al Eýropa jerinde qaýip joǵary bolyp otyr.
