DDSU koronavırýstyń jańa mýtatsııasyna juldyzdar shoǵyrynyń atyn qoımaqshy

NUR-SULTAN. QazAqparat – Dúnıejúzilik densaýlyq saqtaý uıymy SARS-CoV-2 koronavırýstyń jańa nusqalaryn belgileý úshin juldyzdar shoǵyrynyń attaryn almaqshy, dep habarlaıdy QazAqparat DW-ke silteme jasap.

Bul týraly halyqaralyq uıymnyń sarapshysy Marııa Van Kerkhove The Telegraph brıtan basylymynyń bergen suhbatynda málim etken.

«Shamasy bizge grek álipbıiniń áripteri jetpeıtin sekildi, kelesi ataýlar legin qarastyryp jatyrmyz «, - dedi ol.

Sarapshynyń aıtýynsha, ejelgi grek qudaılarynyń atyn alý usynylǵan. Keıin budan bas tartylǵan.

DDSU vırýsty shyqqan jerdiń atymen ataýdy dıskrımınatsııa dep tanydy. Mamyr aıynyń sońynda vırýstyń jańa mýtatsııasyn grek álipbıiniń 24 árpimen ataı bastady.

COVID-19 aýrýyn týdyratyn SARS-CoV-2 vırýsy indet bastalǵannan beri álemde 202 mln adamnan tabylǵan. 4 mln-nan astam naýqas osy ınfektsııadan óldi. Shaamen 182 mln-y jazylyp ketti.