DDSU koronavırýsqa qarsy Sinovac vaktsınasyn shuǵyl jaǵdaıda qoldanýdy maquldady
BEIJІŃ.QazAqparat – Dúnıejúzilik densaýlyq saqtaý uıymy (DDSU) Sinovac farmatsevtıkalyq kompanııasy ázirlegen COVID-19 vaktsınasyn shuǵyl qoldanýy maquldady. Bul týraly DDU bas dırektory Tedros Gebreıesýs seısenbide ótken baspasóz brıfınginde málimdedi, dep habarlaıdy QazAqparat Sınhýa agenttigine silteme jasap.
«Men koronavırýsqa qarsy Sinovac vaktsınasy qaýipsiz, tıimdi jáne sapaly dep tanylǵannan keıin shuǵyl paıdalaný úshin DDSU tizimine engizilgenin habarlaýǵa qýanyshtymyn», – dedi DDSU basshysy.
DDSU basshysy CoronaVac saqtaý sapasyna qoıylatyn qarapaıym talaptardy da aıta ketti.
CoronaVac vaktsınasy – belsendi emes vaktsına jáne ony Beıjińde ornalasqan Sinovac farmatsevtıka kompanııasy shyǵarady.
Esterińizge sala keteıik, shuǵyl qoldaný úshin DDSU tiziminde kelesi preparattar bar: qytaılyq Sinopharm jáne Sinovac kompanııalarynyń vaktsınalary, Janssen vaktsınasy, amerıkalyq Moderna kompanııasynyń vaktsınasy, AstraZeneca/Oxford vaktsınasynyń eki nusqasy jáne Pfizer/BioNTech jasaǵan vaktsına.
Eske sala ketsek, qytaılyq CoronaVac vaktsınasynyń alǵashqy partııasy 500 myń doza Beıjińnen Almatyǵa 1 maýsymda jetkizildi.
Avtory Rýslan Súleımenov
