DDSU: Koronavırýs juqtyrǵandardyń rekordtyq sany tirkeldi
NUR-SULTAN. QazAqparat – Ótken aptada koronavırýs juqtyrý oqıǵalarynyń sany boıynsha jańa rekord ornatylǵan, dep habarlaıdy QazAqparat Dúnıejúzilik densaýlyq saqtaý uıymyna silteme jasap.
Uıym júrgizgen sanaq boıynsha, sońǵy jeti kúnniń ishinde COVID-19 ǵalamshardyń 4,6 mln astam turǵynynan anyqtalǵan. Bul ótken aptamen salystyrǵanda 6 paıyz kóp.
«COVID-19 vırýsyna shaldyǵý jáne odan qaıtys bolý jańa oqıǵalarynyń sany ótken aptada tıisinshe 6 paıyz jáne 4 paıyzǵa ósti», - delingen DDSU málimdemesinde.
Sońǵy aptada aýrý juqtyrýdyń eń kóp oqıǵasy AQSh-ta (1,6 mln, +14%), Brazılııada (326 myń, +8%), Túrkııada (194 myń, +11%) jáne Reseıde (194 myń, +18%). Aýrý juqtyrý oqıǵalarynyń eń kóp úlesi Amerıka elderinde, bul rette Eýropa apta ishinde tirkelgen ólim oqıǵalarynyń sany jaǵynan kósh bastap tur.
Uıymnyń júrgizgen esebi boıynsha, álemde koronavırýs juqtyrýdyń 75 mln astam jaǵdaıy jáne 1,6 mln astam ólim oqıǵasy tirkelgen. Álemde vırýs taralýynyń statıstıkasyn júrgizetin Djons Hopkıns ýnıversıteti bolsa, vırýs juqtyrǵan 77,8 mln jáne qaıtys bolǵan 1,7 mln adam týraly málimet berdi.
