DDSU koronavırýs týraly jalǵan aqparatqa qarsy kúresedi
NUR-SULTAN. QazAqparat – Dúnıejúzilik densaýlyq saqtaý uıymy koronavırýs epıdemııasyna baılanysty tarap jatqan jalǵan aqparatpen kúresetin jahandyq naýqandy bastady, dep habarlaıdy QazAqparat euronews.com-ǵa silteme jasap.
DDSU aýrý týraly feık jańalyqtardyń taralýyn boldyrmaý úshin iri áleýmettik jelilermen seriktestik ornatatynyn málimdedi.
Kóptegen elder vırýspen kúresip jatyr, biraq oǵan jahandyq baılanys men aqparat almasý jetispeıdi.
Zertteý nátıjeleri jańa shtamnyń mýtatsııa nátıjesinde adamǵa janýardan juqqanyn kórsetti.
«Koronavırýs adamǵa jarqanattan juqty. Adamda birden epıdemııa týyndady. Ol jarqanattan qalaı berildi? Bul úlken genomnyń bóligindegi bir proteındegi jalǵyz ózgeris, bir ǵana mýtatsııa arqyly boldy», - dedi epıdemıolog Massımo Chıkkotstsı.
Soǵan qaramastan koronavırýstyń adamnan adamǵa juǵý jyldamdyǵy salystyrmaly túrde joǵary emes. Dárigerlerdiń pikirinshe der kezinde qajetti sharalardy júzege asyrsa epıdemııanyń Eýropa bóliginde taralmaýyna múmkindik bar.
Eske sala ketsek, ótken aptada Dúnıejúzilik densaýlyq saqtaý uıymy koronavırýstyń taralýyn jahandyq tótenshe jaǵdaı dep jarııalady.
